मित्रांनो तुम्हाला फ्रेंच फ्राईज हे तर माहीत असतीलच. बर्गर किंग, मॅक डी यांसारख्या शॉप मध्ये बर्गर कॉम्बो घेतल्यानंतर आपणास बर्गर सोबत एक कोक आणि फ्रेंच फ्राईज मिळतात. या फ्रेंच फ्राईजला तोडीस तोड देणारा कोकणातील पदार्थ फणसाचे तळलेले गरे याची पाककृती या लेखात पाहणार आहोत. तळलेले फणसाचे गरे हे याला ग्लोबल प्लॅटफॉर्म मिळाला नसल्याकारणाने अजून ते इतके फेमस नाहीत. फणस हे हंगामी फळ असून पण कोकणी बांधव तळलेल्या फणसाच्या गऱ्यांचा वर्षभर यथेच्छ आस्वाद घेतो. कोकणात फूड प्रोसेसिंग उद्योग, आणि साठवणूक यंत्रणा पुरेशी उपलब्ध झाल्यास कोकणातील पदार्थ देखील जगाच्या पाठीवर प्रसिद्ध होऊ शकतात.